Dowladda Somalia ayaa maanta kala dirtay maamulka Rugta Ganacsiga ee gobolka Benaadir, kaddib markii idaacadda VOA ay dhowaan tabisay in kooxda al-Shabaab ay ku lug lahayd magacaabista guddomiyaha Rugtaasi Axmed Cabdullahi Xassan, oo haatan sida la sheegay u xiran ciidamada nabad-sugida Somalia.
Wasiirka wasaaradda Ganacsiga iyo Warshadaha ee dowladda Soomaaliya Cabdullaahi Cali Xassan ayaa qoraal uu soo saaray maanta ku sheegay in kadib markii ay wasaaraddiisu ogaatay cabashooyinka la xiriira magacaabista guddoomiyaha Rugta Ganacsiga Banaadir la go’aamiyey in laga bilaabo maanta oo taariikhdu tahay 01/25/2020 lakala diray maamulkaasi.
Weriyaheena Falastiin Axmed Iiman ayaa warbixintan ka diyaarisay magacaabista guddoomiyaha iyo sida al-Shabaab ay ugu lug lahayd.
