Dawladda Maraykanka ayaa sheegtay in saddex duqaymood oo cusub oo lala beegsaday ururka Al-Shabab ay ka fulisay Soomaaliya.
Duqayntan ayaa taliska Maraykana ee Africa loona yaqaan AFRICOM sheegeen inay ka dhacday degaanka Mubaarak ee Gobolka Shabeellada Hoose, maakintii shalay ee Axadda.
Maraykanku waxa uu sheegay in duqayntan lagu dilay siddeed ka tirsan maleeshiyada ururka Al-Shabaab.
Maraykanku waxa sidoo kale uu sheegay inaan dad shacab ah waxba ku noqonin duqayntan.
Sabtdii, ayaa sidoo kale AFRICOM waxay sheegeen in iyagoo kaashanaya dowladda Soomaaliya ay duqeyn dhinaca cirka ah Jimcihii ku bartilmameedsadeen maleeshiyo ka tirsan ururka Al-Shabaab.
Bayaanka AFRICOM ayaa lagu sheegay in weerarka oo 3-dii bishan April ka dhacay agagaarka tuulada Bush Madina ee gobolka Baay lagu dilay 5 argagixiso, iyadoo aysan wax khasaaro ah kasoo gaarin dadka rayidka ah.