General Cabdi Xasan Cawaale Qaybdiid ayaa ka bad-baaday qarax ismiidaamin ah oo galabta lagula eegtay gurigiisa magaalada Gaalkacyo.
Gen. Cabdi Qeybdiid ayaa VOA u sheegay in laba qof ay gurigiisa soo weerareen, kaddibna mid ka mid ah labadaasi nin uu guriga dhex-diisa isku qarxiyay.
Cabdi Qeybdiid ayaa sheegay in qaraxaasi ay ku dhinteen laba ka mid ah ilaaladiisa, qofkii is-qarxiyay iyo haweenay ku sugnayd guriga bannaankiisa.
