Niamey —
Dhallinyaro ku xiran xabsi ku yaalla dalka Niger oo la soo xiriiray idaacadda VOA ayaa sheegay in muddo shan bilood ah u xiran yihiin dambi ah waraaqo been abuur ah oo lagu qabtay.
Dhallinyaradan ayaa sheegay in mukhalaskii u sameeyay waraaqaha uu u sheegay in waraaqahu ay saxan yihiin oo uu u maray hannaan sharci ah, balse ay dowladdu u sheegtay in aanay sax ahayn.
Dhallinyaradan ayaa dowladda Soomaaliya ka dalbaday in ay gacan u fidiso si looga sii daayo xabsiga ay ku jiraan.
Xamse Cabdi Xuseen oo dhallinyaradaasi ka mid ah ayaa Caasho Ibrahim Aden uga warramay xaaladdooda.
