Muqdisho —
Rasaas goos-goos ah ayaa weliga laga maqlayaa Hotelka Xayaat ee magaalada Muqdisho, iyada oo ciidamada ammaanka ay weli dagaal kula jira maleeshiyada Al-Shabaab oo xalay weerar ku qaadday hotelkaas ku yaalla agagaarka isgoyska KM4 ee magaalada Muqdisho
ugu yaraan 10 qof ayaa la xaqiijiyay inay ku dhinteen weerarkan, halka oo tiro intaa ka badanna uu dhaawac kasoo gaaray, iyada oo laga soo badbaadiyay tiro kale oo carruuri ay ku jirto.
Ilaa hadda ma cadda tirada maleeshiyada Al-shabaab ee ka dhex dagaallamaya Hotelka.
Weerarkan oo ku biloowday laba qarax oo ka dhacay agagaarka hotelka ayaa waxaa markiibaa sheegtay Al-shabab.
Wariyaha VOA-da ee Muqdisho Cabdulqaadir Cabdulle ayaa howlgalkan uga warramay Xuseen Barre.
Wixi kusoo kordha halkan ayaad kala socon doontaan.