Manchester City ayaa markii afraad oo xiriir ah ku guulaysatay koobka horyaalka Ingiriiska, markii ugu horreysay oo kooxi afar jeer oo isku xigta hanato, kadib markii ay 3-1 ku garaacday kooxda ay martida u ahayd ee West Ham United kulankii ugu dambeeyay ee horyaalka Ingiriiska Axadii.
Labo gool oo cajiib ah oo uu dhaliyay ciyaaryahanka sanadka ee League Phil Foden ayaa jawi farxadeed ku abuuray cadceedda Etihad Stadium, ka hor inta uusan laad cajiib ah ku dhalinin laacibka West Ham ee Mohamed Kudous wax yar ka hor qeybtii nasashada.
Laakiin guushu marnaba shaki kuma jirin, Rodri ayaana ku hubsaday shabaqa kubad joog hoose ah oo uu ka toogtay meel ka baxsan xerada diillinta 18-aad, taasoo kooxda Pep Guardiola siisay koobkoodii lixaad muddo 7 sano ah.
City ayaa haatan fursad u haysata in ay ku guulaysato laba koob marka ay wajahdo Manchester United finalka FA Cup sabtida soo socota.
Taageerayaasha ayaa ku baashaalay kuraastooda iyaga oo ku dhawaaqaya, "Mar kale Horyaal!" iyo "Ma daawanaysaa Arsenal?" Kahor inta aysan ku soo qulqulin garoonka oo ay shideen ololka buluugga ah markii uu garsooruhu seeriga afuufay.
Madal