Kooxda ku guulaysatay horyaalka Ingiriiska iyo koobka horyaallada Yurub ee Manchester City ayaa fasaxeysa kabtankeeda Ilkay Gundogan iyo Benjamin Mendy marka uu qandaraaskoodu dhacayo bishan kadib markii City ay sheegtay in lagu daray liiska ciyaartoyda beeca xorta ah ku bixi kara.
Gundogan ayaa ka aamusay mustaqbalkiisa kadib markii uu kooxda ku hoggaamiyay saddexda koob ee Premier League, FA Cup iyo Champions League xilli ciyaareedkan, iyadoo xiddiga Jarmalka lala xiriirinayo inuu u dhaqaaqayo midkood Arsenal iyo Barcelona.
32-sano jirkaan, oo muujiyay inuu yahay nin badbaadin kara kolęda tartanka taariikhiga ah ee ay city ku guuleysatay, wuxuuna kula guuleystay 14 koob oo uu ku jiro shan horyaal kadib markii uu ka soo dhaqaaqay kooxda Bundesliga ee Borussia Dortmund 2016.
Dhinaca kale, Mendy uma ciyaarin City tan iyo Agoosto 2021 kadib markii ciyaaraha looga joojiyay eedeymo kufsi iyo faraxumeyn.
Reuters.
Madal