Madaxweyne ku xigeenka Mareeykanka Joe Biden ayaa sheegay in Aqalka Cad uu talaabo qaadan doono hadii buu yiri ,Xubnaha Republicanka ee congresska ay ku guul dareeystaan ineey gudbiyaan sharciga shaqooyinka ee uu soo gudbiyay maamulka ay gacanta ku hayaan demuquraadiyiinta
Isagoo buuxinayay booskii madaxweeynaha ee qudbadiisii saxaafadda ee todobaadlaha aheeyd ayuu madaxweeyne ku xigeenka Mareykanka Joe Biden sheegay in waqtiyada adag loo baahanyahay in talaabooyin deg deg ah la qaato
Madaxweyne ku xigeenka Mareeykanka ayaa sheegay in Madaxweeyne Obama uu mar hore isticmaalay awoodiisa fulinta si uu u yareeyo bixinta deymaha ardayda oo uu ka caawiyo rug cadaageena sidii ay shaqo ku heli lahaayeen oo markaasina dadka guryaha leh ay dib ugu eegi lahaayeen qiimaha lacagaha ay isaga bixinayaan guryahooda
Waxa uu sidoo kale sheegay in madaxweynaha uu waqti ku bixiyay shir weeynihii dhowaa ee dalalka warshadaha horu maray ee la isku yiraa G 20 ee ka dhacay dalka Faransiiska. Madaxdaasoo isku dayayay ineey xaglo daacin ka badbaadiyaan qorshaha soo kabashada dhaqaalaha, iyadoo dhinaca kale dalalka ugu tunka roon dhaqaalaha ee Yurub ay sidoo kale ku howlanyihiin wax ka qabashada deeymaha sii kordhaya