Safar uu maanta magaalada Kismaayo ku tagi lahaa Ra’iisul-wasaaraha Somalia, Cabdi Farah Shirdoon Saacid ayaa dib u dhac uu ku yimid. Wali si rasmi ah looma oga sababta dib u dhaca keentay.
Xog laga helayo ilo ku dhow wasiirada dowladda ee shalay Kismaayo gaaray ayaa sheegaya inaysan wasiiradaasi ku guuleysan inay waddahallo fool-ka fool ah la furan maamulka magaalada Kismaayo kataliya, oo iyagu door-bidaya inay kaliya kulan fool-ka fool ah la qaataan ra’iisul-wasaaraha markuu magaalada yimaado.
C/naasir Seeraar oo ah afhayeenka ururka Raaskaanbooni, oo VOA la hadlay ayaa sheegay in wararka sheegaya inuu jiro is afgaranwaa u dhaxeeya iyaga iyo wafdiga dowladda aan waxba ka jirin.
Wareysiga C/naasir Seeraar halka hoose ka dhagayso.
