Laanta Af-Soomaaliga ee VOA ayaa kulanka dadweyne oo looga hadlayey ahmiyadda farsamada gacanta waxa ay maanta ku qabatay xarunta jaamacadda PSU ee magaalada Garoowe ee maamulka Puntland.
Dooddan ayaa waxaa ka qeyb-galay mas’uuliyiin ka tirsan maamulka Puntland, aqoonyahanno, dadweyne iyo xubno ka socday qaar ka mid ah iskuulada gacanta ee ku yaalla Puntland.
Dadweynihii iyo aqoonyahannadii ka qeyb-galay kullanka ayaa hoosta ka wada xariiqay ahmiyadda farsamada gacanta iyo in heer wanaagsan laga gaari karo, haddii farsamooyinka iyo hindisayaasha la hormaariyo.
Waxaa sidoo kale la soo jeediyey inay jiraan farsmooyin badan oo Soomaalida ay hindisaan, balse ay la’ yihiin suuq geyn.
Wasiir ku xigeenka haweenka iyo arrimaha qoyska Puntland Farxiya Yuusuf Xirsi, oo kullanka ka hadashay ayaa sheegtay in gabdhaha Soomaaliyeed ay kaalin wanaagsan ku lee yihiin farsamada gacanta.
Nuux Muuse Birjeeb ayaa warbixintan kasoo diray Garoowe.
Your browser doesn’t support HTML5
Kulanka VOA