Wararka ka imaanaya magaalada Dhuusamareeb ee xarunta maamulka Galmudug ayaa sheegaya in maanta halkaasi ay gaareen qoysas u dhashay wadanka Suuriya oo in muddo ah ay dagaalo ka socdaan.
Qaxootigan oo isugu jira rag, haween iyo caruur ayaa la sheegay in Soomaliya dhowaan soo gaareen, waxaana qeybta gaartay Dhuusamareeb oo 14 qof ah soo dhoweeyey maamulka Galmudug.
Wariyaha VOA Maxamed Bashiir Cabdiraxmaan ayaa arrimaha qaxootigan Suuriya u dhashay wax ka weydiiyay Wasiirka Warfaafinta Galmudug Axmed Shire Falagle.
Your browser doesn’t support HTML5
Wareysi: Qaxooti Suuriyaan ah oo gaaray Galmudug
Dhanka kale, magaalada Dhuusamareeb waxaa si rasmi ah uga furmay kalfadhiga labaad ee baarlamaanka labaad ee Galmudug. Xaflad lagu furayay ayaana lagu qabtay magaalada, waxaana ka qeyb galay madaxweynaha GalmuduG iyo gudoomiyaha Aqalka Sare ee baarlamanka federalka Soomaaliya, iyo mas’uuliyiin kale.
Warbixin uu furmidda baarlamanka Galmudug ku eegayo waxaa Gaalkacyo nooga soo diray wariyahayaga Cabdiwaaxid Macalin Isaaq.
Your browser doesn’t support HTML5
Kalfadhigii Baarlamaanka Galmudug oo furmay