Weerar loo adeegsaday toorrey oo Axaddii ka dhacay laba magaalo oo ku yaalla gobolka Saskatchewan (Saskajiwan) ee dalka Canada ayaa sababay dhimashada 10 qof, halka 18 kalena ay ku dhaawacmeen.
Damien Sanderson oo 31 sano jir ah iyo Myles Sanderson oo 30 sano jir ah oo boolisku ay sheegeen inay walaalo yihiin ayaa lagu eedeeyay weerarka.
Damien Sanderson oo ah mid kamid ah labada eedeysane ayaa meydkiisa laga helay deegaanka James Smith Cree Nation oo kamid ah labada meel ee uu weerarka ka dhacay, sida ay sheegtay warbaahinta Canada.
Afhayeen booliiska u hadashay ayaa sheegtay in ciimada ammaanku ay wali ku raad joogaan eedeysanaha kale.
Ra'iisul wasaaraha Canada Justin Trudeau ayaa weerarka ku tilmaamay mid naxdin leh oo wuxuushnimo ah.
Haddaba wariyaha VOA-da ee Canada Xuseen Nuur Xaaji ayaa arrimahan ka wareystay Saciid Nucmaan oo ah Imaamka Masjidka Raxmaan Centre ee magaalada Regina ee caasimadda gobolka Saskatchewan.
Your browser doesn’t support HTML5
Wareysi: Weerar toorrey oo dad badan lagu dilay oo ka dhacay Canada