Mas’uuliyiinta dawladda Soomaaliya ayaa sheegay in tobannaan ka mid ah maleeshiyaadka al-Shabaab lagu dilay hawlgal maanta ka dhacay degaan lagu magacaabo Hilow Bacaad oo u dhow degaanka Halgan ee Gobolka Hiiraan.
War saxaafadeed kasoo baxay wasaaradda warfafainta dawladda Soomaaliya ayaa dawladdu ku sheegatay in weerarkaas lagu dilay in ka badan 60 ka tirsan maleeshiyaadka al-Shabaab.
Dhinaca kalena, ururka al-Shabaab ayaa sheegtay mas’uuliyadda qarax ay sheegtene inay la beegsadeen dad askar qoranayey koonfurta magaalada Mqudishu.
Al-Shabaab ayaa war saxaafadeedka ku sheegtay inay weerarkaasi ku dileen 32 qof.
Sheegashooyinka ku saabsan khasaaraha hawlgalka dawladda iyo kan qaraxa ayaan VOA si madaxbannana u xaqiijin. Xasan Kaafi Qoste ayaa warbixintan inoo soo diray.
Your browser doesn’t support HTML5
Dowlada oo shegatay dilka 60 Shabaab ah