JOWHAR— Allah ha u naxariistee waxaa shalay deegaanka Maxaa Saciid ee degmada Cadale ee gobolka Shabeelaha Dhexe lagu aasay, Sheekh Muse Nur Ibrahim oo ku magac dheeraa Sheekh Muse Cadde, kaas oo Talaadadii aynu kasoo gudubnay ku geeriyooday magaalada Rotterdam ee dalka Netherlands.
Meydka Sheekha ayaa shalay laga soo dajiyay garoonka diyaaradaha caalamiga ah ee Adan Cabdulle ee magaalada Muqdisho, kaddibna looga sii gudbiyay degmada Cadale.
Haddaba, taariikhda Sheekh Muse Cadde, ayuu Nur Xasan Nur oo Washington jooga ka wareystay, Sheekh Nuraddin Macallim Maxmuud oo ka mid ah culimada Soomaaliyeed ee ku nool gobolka Minnesota, isla markaana ka mid ahaa ardaydi uu wax soo baray marxuumka.
Your browser doesn’t support HTML5
Aaska Sheekh Muse Cadde.m4a