Magaalada Muqdisho ee caasimadda Soomaaliya waxaa ka billowday Bandhig ganacsi oo socon doona muddo saddex maalin ah.
Waxyaabaha diiradda lagu saarayo madashan ayaa waxaa ka mid ah kor u qaadista wax soo saarka dalka, gaar ahaan dhinacyada beeraha, xoolaha iyo kalluunka.
Madashan ayaa waxaa sidoo kale lagu soo bandhigayaa doodo cilmi ah, waxaana ka qeyb-galaya shirkadaha dhanka ganacsiga ugu waaweyn Soomaaliya.
Haddaba, Weriyaha VOA-da ee Muqdisho Cabdicasiis Barrow ayaa ujeeddada bandhiggan waxa uu ka wareystay Eng. Cabdisataar Carabow oo ah aas-aasaha hay'adda waddaniga ah ee Somali Trade Show, oo bandhiggaan soo qaban-qaabisay.
