Milatariga Maraykanka ayaa sheegay inay laba duqaymood lala beegsaday maleeshiyaad katirsan ururka Al-Shabaab nawaaxiga Cadale ee gobolka Shabeellada Dhexe.
War saxaafadeed kasoo baxay taliska milatariga ee AFRICOM ayaa lagu sheegay in duqaymuhu kala dhaceen 14-kii iyo 17-kii bishan Diisambar, laguna kala dilay isugayn 15 maleeshiyaad ah oo ka tirsan Al-Shabaab.
AFRICOM waxay sheegtay in duqaymahan ay ahaayeen kuwo is-difaacid ah, ayna dhaceen kadib markii codsi uu ka yimid dawladda federaalka Soomaaliya.
AFRICOM waxay sheegtay in qiimayntu ay muujinayso inaan dad rayid ah aysan ku dhiman kuna dhaawacmin duqaymahan.