Qarax khasaare gaystay ayaa barqanimadii maanta waxa uu ka dhacay xarun mashquul badneyd oo ku taalla degmada Xamarweyne ee gobolka Banaadir.
Booliska Soomaaliya ayaa sheegay in qaraxa ay ku dhinteen saddex qof, laba qof oo kalena ay ku dhaawacmeen. Goobjoogeyaal ayaa sheegaya in khasaaraha uu intaas ka badan yahay.
Meesha qaraxa uu ka dhacay oo u dhow xarrunta gobolka Banaadir, ayay goob joogayaal sheegayaan in uu ahaa mid xooggan oo dadka qalqal geliyay. Waxaa qaraxa fuliyey qof is-miidaamiyey.
