Ugu yaraan laba qof ayaa ku dhimatay weerarro kala duwan oo maanta ka dhacay magaalada Muqdishu.
Mid ka mid ah weerarka ayaa lala bartilmaameedsaday qof ka tirsan shaqaalaha bankiga dhexe, waxayna toogashadan ka dhacday xaafadda Wadajir ee Muqdishu.
Toogashada labaad ayaa iyaduna ka dhacday agagaarka isgoyska Taleex ee degmada Hodan. Warar aanu ka helo laba ilo wareed ayaa sheegay in ninkaasi uu ka tirsanaa hay'adda nabad-sugidda. Goor dambena mas'uuliyiin ka tirsan laamaha amniga ayaa beeniyey in ninkaasi oo lagu magacaabo Cabdirisaaq Xaaji Maxamed uu ka tirsanaa nabad-sugidda.
Jamaal Axmed Cusmaan oo ku sugan Washington ayaa dhacdooyinkan ka wareystay weriyaha VOA ee Muqdisho Cabdulqaadir OK.
Your browser doesn’t support HTML5
Dilal ka dhacay Muqdisho