War Deg-Deg ah

Farah Ali

Produced by Farah Ali

Maarso 01, 2023
32 qof oo ku dhintay shil tareen oo ka dhacay Greece

Laba tareen oo isku dhacay waddanka Giriiga ayaa dilay ugu yaraan 32 qof 85 kalena waa ay ku dhaawacmeen habeenkii talaadada, sida ay sheegtay kooxda dab-damiska, laakiin sababta shilkii tareen ee ugu dhimashada badnaa ee Giriiga muddo tobanaan sano ah ayaan weli caddayn.
Febraayo 26, 2023
Shil diyaaradeed oo sababay dhimasho iyo dhaawac oo ka dhacay Ballidoogle

Diyaarad Helicopter ah oo ay leeyihiin ciidamada howlgalka Midowga Africa ee ATMIS oo tababareysay saraakiil ka tirsan Ciidanka Xoogga Dalka Soomaaliyeed, ayaa ku burburtay deegaanka Balidoogle ee Gobolka Shabeellaha Hoose, taasoo ay ku dhinteen saddex qof, siddeed kalana ay ku dhaawacmeen.
Febraayo 26, 2023
Qarax sababay dhimasho iyo dhaawac oo ka dhacay Pakistan

Booliska Koonfur-galbeed ee Pakistan ayaa sheegay Axadda maanta ah in qarax bambaano uu ka dhacay suuq ay dadku ku badan yihiin, kaasoo ay ku dhinteen ugu yaraan afar qof, 16 kalena ay ku dhaawacmeen.
Febraayo 26, 2023
43 muhaajiriin ah oo ku dhintay doon ku degtay xeebaha Talyaaniga

Afartan iyo saddex qof ayaa dhintay, halka 80 kale ay ka badbaadeen markii doon ay la socdeen tahriibayaal ay ku burburtay meel u dhow xeebaha koonfurta Talyaaniga subaxnimadii hore ee Axadda maanta ah, sida ay sheegeen booliiska iyo ilaalada xeebaha Talyaaniga.
Febraayo 25, 2023
Yaa kusoo baxay doorashada kursigii Fahad Yaasiin ee HOP086?

Dr Maxamed Sheikh Axmed Maxamed ayaa ku guuleystay kursiga #086 ee Golaha Shacabka, kadib doorasho goor dhaweyd ka dhacday magaalada Muqdisho, markii uu tanaasulay musharraxa Cabdirisaaq Bukhaari Axmed.
Febraayo 24, 2023
Ku dhowaad 100 qof oo ku dhintay dagaalka Laascaanood

Ugu yaraan 96 qof ayaa ku dhintay in ka badan laba toddobaad oo iska hor-imaadyo u dhexeeyay ciidamada Somaliland iyo kuwa deegaanka magaalada Laascaanood, sida uu sheegay agaasimaha Isbitaalka Laascaanood.
Febraayo 23, 2023
Wasiiru-dowle ka tirsan xukuumadda Xamza oo is-casilay

Wasiiru-dowlaha wasaaradda Gaadiidka iyo Duulista Hawada Maxamed Cali Cumar (Caana-nuug) ayaa is-casilay, sida uu ku sheegay bayaan uu soo gaaray goor dambe oo xalay ah.
Febraayo 23, 2023
Taalibaan oo isbaheysi maalgashi la sameysatay saddex dal

Ku-simaha wasiirka ganacsiga ayaa Arbacadii sheegay in maamulka Taalibaan ee Afghanistan ka dhisan ay isbaheysi la sameeyeen shirkado ay ku mideysan yihiin Ruushka, Iran iyo Pakistan, si ay u dejiyaan qorshe maalgashi oo diiradda lagu saarayo tamarta, macdanta iyo kaabayaasha dhaqaalaha.
Febraayo 22, 2023
Dowladda oo sheegtay in 10 qof oo rayid ay ku dhinteen weerarkii Al-Shabaab

Dowladda Soomaaliya ayaa sheegtay in maleeshiyo ka tirsan Al-Shabaab ay weerar ku qaadeen guri ku yaalla magaalada Muqdisho, halkaasoo ay ku dileen toban qof oo rayid ah.
Febraayo 22, 2023
Siddeed qof oo ku dhintay dhul-gariir kale oo ka dhacay Turkiga

Tirada dhimashada ayaa gaartay ugu yaraan siddeed qof dhul-gariir ku dhuftay xadka u dhaxeeya Turkiga iyo Suuriya Isniintii, labo todobaad kadib dhul-gariir weyn oo ay ku dhinteen ku dhawaad 45,000 oo qof.
Febraayo 22, 2023
Sacuudiga oo $1 bilyan ugu deeqay dib u habeynta dhaqaalaha Yemen

Sacuudi Carabiya ayaa lacag dhan 1 bilyan oo dollar dhigay bankiga dhexe ee Yemen ee fadhigiisu yahay magaalada Cadan Talaadadii, sida ay sheegtay wakaaladda wararka ee Sucuudiga ee SPA, iyadoo dowladda dalkaas ay la daalaa dhacayso lacag yari ah iyo sare u kaca qiimaha shidaalka iyo badeecadaha.
Febraayo 19, 2023
Xaaladda Caafimaad ee madaxweynihii hore ee Mareykanka Jimmy Carter oo laga walaacsan yahay

Xaaladda Caafimaad ee Madaxweynihii hore ee Mareykanka Jimmy Carter, oo ah 98-jir ayaa laga walaacsan yahay kadib markii laga saaray isbitaalka, isla markaan lagu celiyay gurigiisa, halkaas oo uu ku helayo daryeel caafimaad "waqtigiisa harsan", sida ay Sabtidii sheegtay xarunta the Carter Center.
Febraayo 19, 2023
Maxkamadda Ciidamada oo xabsi 15 sano ah ku xukuntay sarkaal gacansaar la lahaa Al-shabaab

Maxkamadda Ciidamada Qalabka Sida ayaa 15 sano oo xabsi ciidan ah ku xukuntay Cabdicasii Xuseen Nuur Mursal oo ah xiddigle ka tirsan ciidanka, isla markaana lagu helay inuu gacaan-saar la lahaa maleeshiyada Al-shabaab.
Febraayo 19, 2023
Maxaa kasoo baxay kulankii Xasan Sheekh iyo Ruto ee Addis Ababa?

Madaxweynaha dowladda Federaalka Xasan Sheekh Maxamuud ayaa magaalada Addis Ababa kula kulmay dhiggiisa Kenya William Ruto, iyada oo ka wadahadlay howlgallada ka dhanka ah Al-shabaab iyo dadaallad Soomaaliya ee ku biirista Dallada Bariga Africa ee EAC, sida ay sheegtay madaxtoyada Soomaaliya.
Febraayo 19, 2023
Mareykanka oo Falastiin iyo Isreal ku boorriyay soo celinta xasilloonida

Xoghayaha Arrimaha Dibadda Mareykanka Antony Blinken ayaa Sabtidii la hadlay Ra’iisul Wasaaraha Israel Benjamin Netanyahu iyo hoggaamiyaha Falastiin Mahmud Abbas, waxaana uu dib u xaqiijiyay taageerada Mareykanka ee “xalka laba dal”
Febraayo 17, 2023
Sacuudiga oo kusoo biiray loolanka iibsashada Manchester United

Sacuudi Carabiya ayaa kusoo biirtay tartanka gadashada kooxda Manchester ee horyaalka Premier League-ga, sida ay tabisay Telegraph, waxaana dalabkan cusub uu noqonayaa kii ugu dambeeyay ee lagu gorgorinayo naadiga United.
Febraayo 16, 2023
Itoobiya oo jabhadda Oromada ku eedeysay dilka 50 qof

Ugu yaraan 50 qof ayaa lagu dilay gobolka Oromada ee dalka Itoobiya bishan kadib weerar ay qaadeen jabhad la mamnuucay ee Oromo Liberation Army (OLA) sida uu Arbacadii sheegay guddiga xuquuqul insaanka ee dowladdu magacawday.
Febraayo 16, 2023
Man City oo Arsenal kala wareegtay hoggaanka horyaalka Premier League

Kooxda Manchester City, ee aan la celin karin, ayaa hoggaanka horyaalka Premier leaguge si naxariis darro ah kagala wareegtay kooxda Arsenal, kadib markii ay xalay 3-1 gurigeeda uga soo badisay.
Febraayo 16, 2023
73 muhaajiriin ah oo lagu la'yahay xeebaha Liibiya

Ugu yaraan 73 tahriibayaal ah ayaa lagu soo waramayaa in la la’yahay, waxaana loo malaynayaa in ay dhinteen kadib markii ay dooni kula degtay xeebaha Liibiya Talaadadii, sida lagu sheegay bogga rasmiga ah ee Twitter-ka ee Hay’adda Socdaalka Adduunka (IOM) ee Liibiya Arbacadii.
Febraayo 15, 2023
Xasan Sheekh: Waxaan codsanayaa in qofkiiba $1 dollar ku darsado dagaalka Al-Shabaab

Madaxweynaha Soomaaliya Xasan Sheekh Maxamuud ayaa shacabka Soomaaliyeed ugu baaqay inay dhaqaale ahaan ka qeybgalaan howlgallada ka dhanka ah Al-shabaab, isla markaana uu qofkiina hal dollar ugu deeqo dowlada, sida uu xaqiijiyay Wasiirka Warfaafinta.

XS

SM

MD

LG