War Deg-Deg ah

Farah Ali

Produced by Farah Ali

Desembar 30, 2022
Ciidamada booliska Itoobiya oo galay magaalada Mekelle

Booliiska federaalka Itoobiya ayaa Khamiistii howlgal ka bilaabay caasimadda gobolka Tigray ee ay dagaalladu aafeeyeen markii ugu horreysay muddo 18 bilood ah, sida ay booliisku sheegeen, taasoo calaamad u ah tallaabadii ugu dambeysay ee heshiiskii nabadeed ee la gaaray bishii Novermber.
Desembar 30, 2022
Sacuudiga oo qabtay 30 tan oo maandooriyaha jaadka ah

Dowladda Sacuudi Carabiya ayaa Arbacadii sheegtay inay qabteen ku dhawaad 30 tan oo qaadka yar yar ah ee maandooriyaha ah bishan, taasoo qayb ka ah olole ballaaran oo lagu qaaday maandooriyaha oo ay waddo Boqortooyada qaniga ku ah shidaalka.
Desembar 29, 2022
Qodobo kasoo baxay shirkii Golaha Wadatashiga Qaran

Waxaa xalay lasoo gabagabeeyay shirkii afraad ee Golaha Wadatashiga Qaran, kaas oo maalmihii lasoo dhaafay ka socday magaalada Muqdisho, waxaana laga soo saaray bayaan ka koobna saddex qodob.
Desembar 29, 2022
Israel oo shaacisay muddada laga yaabo inay ku weerarto Iran

Wasiirka difaaca Israa’iil ayaa Arbacadii hadal weyn oo suurtagalnimsiisa ay ku xiran tahay waakhriga ku sheegay in laga yaabo in Israa’iil ay weerarto xarumaha Nukliyeerka Iran laba ama saddex sano gudahood.
Desembar 29, 2022
Maxaa sababay hoos u dhaca weyn ee ku yimid shilinka Kenya iyo Uganda?

Lacagta shilinka Kenya ayaa hoos u dhacday Arbacadii kadib markii ay kordheen dalabaadka dollarka ee shirkadaha ka gacansada shidaalka, sida ay sheegeen ganacsatadu.
Desembar 29, 2022
Erdogan baabi'iyay shuruudihii da'da hawlgabka ee shaqaalaha Turkiga

Madaxweynaha Turkiga Tayyip Erdogan ayaa Arbacadii meesha ka saaray shuruudihii da'da hawlgabka, tallaabadaas oo u oggolaanaysa in ka badan 2 milyan oo shaqaale ah inay si degdeg ah shaqada uga fariistaan, wax ka yar lix bilood kahor doorashada madaxweynaha Turkey.
Desembar 29, 2022
Manchester City oo 3-1 uga badisay Leeds, soona yareysay hoggaanka Arsenal

Weeraryahanka Kooxda Manchester City Erling Haaland ayaa sii watay xilli ciyaareedkiisii cajiibka ahaa, isaga oo dhaliyay laba gool, si uu Manchester City uga caawiyo in ay guul 3-1 ku garaacdo Leeds United Arbacadii.
Desembar 28, 2022
Madaxweyne Ismaaciil Cumar Geelle oo Muqdisho soo gaaray

Madaxweynaha Jamhuuriyadda Jabuuti Ismaaciil Cumar Gelle ayaa soo gaaray magaalada Muqdisho, waxaana garoonka diyaaradaha ee Aadan Cadde kusoo dhaweeyay masuuliyiinta dowladda Federaalka oo uu hoggaaminayay madaxweyne Xasan Sheekh Maxamuud.
Desembar 28, 2022
Turkey iyo Israa'iil oo si buuxda u soo celiyay xiriirka diblomaasiyadeed

Madaxweynaha Turkiga Tayyip Erdogan ayaa warqadaha aqoonsiga danjiranimo ka guddoomay danjiraha cusub ee Israa’iil u fadhin doona dalka Turkiga Talaadadii, iyadoo labada dal ay caadi ka dhigeen xiriirka ka dhexeeya sanado xiisad ah kadib.
Desembar 28, 2022
56 qof oo lagu dilay dagaal beeleed ka dhacay South Sudan

Iska horimaadyo ayaa lagu dilay 56 qof, afar maalmood oo uu dagaal ka socday gobolka Jonglei ee bariga Suudaanta Koofureed, sida uu sheegay sarkaal ku sugan halkaas Talaadadii, kadib markii dhallinyaro ka tirsan qabiilka Nuer ay weerar ku qaadeen qowmiyad kale.
Desembar 28, 2022
Diyaaradda Ethiopian Airlines oo dib u bilaabaysa duulimaadyadii gobolka Tigray

Diyaaradda Ethiopian Airlines oo ah shirkadda ugu weyn ee dalka Itoobiya ayaa ku dhawaaqday inay dib u bilaabi doonto duulimaadyadii maalinlaha ahaa ee ay ku tagi jirtay magaalada Mekelle ee xarunta gobolka Tigray, iyadoo la sii ambaqaadayo heshiis nabadeed oo ay garwadeen ka tahay Midowga Afrika.
Desembar 25, 2022
Spain: Dad ku dhintay gaari bas ah oo ku dhacay webi

Ugu yaraan laba qof ayaa dhintay kadib markii bas uu ku dhacay webi isaga oo ka gudbayay buundo gobolka Galicia ee waqooyi-bari Spain, sida uu Axadda maanta ah sheegtay hay'adda Adeegga Gurmadka degdegga ah.
Desembar 24, 2022
Dowladda Itoobiya iyo TPLF oo oggolaaday in gobolka Tigray ay tagaan kormeereyaal ka socda Midowga Afrika

Madaxweynihii hore ee Kenya, Uhuru Kenyatta, ayaa u safri doona gobolka Tigray ee Itoobiya si uu u kormeero heshiiskii nabadeed ee bishii hore ay kala saxiixdeen dowladda Itoobiya iyo mucaaradka TPLF.
Desembar 24, 2022
Dowladda Burkino Faso oo ceyrisay sarkaal sare oo ka tirsan QM

Dowladda Milateriga ah ee Burkina Faso ayaa bayaan ay soo saartay Jimcihii ku amartay isuduwaha howlaha gargaarka bini'aadanimada ee Qaramada Midoobay Barbara Manzi inay si deg deg ah dalka uga baxdo, iyadoo aan la sheegin sababta rasmiga ee loo eryay.
Desembar 23, 2022
Dowladda: Waa in wadahadal lagu dhammeeyo khilaafka Koonfur Galbeed

Bayaan kasoo baxay dowladda Federaalka Soomaaliya ayaa lagu sheegay inay ka xuntahay 'shaqaaqooyinka gacan ka hadalka' ee saaka ka dhacay magaalada Baydhabo ee xarunta KMG ee Dowlad Goboleedka Koonfuur Galbeed.
Desembar 23, 2022
Wararkii ugu dambeeyay ee dagaalka magaalada Baydhaba

Wararka ka imaanaya magaalad Baydhabo ayaa sheegaya in dagaal xooggan uu saaka ka bilowday gudaha magaalada, waxaana lagu soo waramayaa inuu u dhaxeeyo ciidan ka amar qaata Maamulka Koofur Galbeed iyo maleeshiyo beeleed ka amar qaata qaar kamid ah musharixiinta u taagan xilka madaxweynaha maamulkaas
Desembar 23, 2022
Kooxda Manchester City oo 3-2 ku garaacday Liverpool, ka saartay koobka Carabao

Kooxda Manchester City ayaa 3-2 ku garaacday kooxda Liverpool kulan ka tirsan koobka Carabao Khamiistii, iyadoo u soo baxday wareegga siddeedda ee koobkan.
Desembar 22, 2022
Al-Shabaab oo laga saaray degmadii ugu dambeysay ee HirShabeelle

Ciidamada Xoogga Dalka oo kaashanaya kuwa degaanka ayaa la wareegay gacan ku heynta degmada Ruun-nirgood ee gobolka Shabeella Dhexe, sida uu sheegay Afhayeenka Wasaaradda Gaashaandhigga Soomaaliya General Cabdullaahi Cali Caanood.
Desembar 22, 2022
Askar ka tirsan ciidamada dowladda oo lagu dilay qarax miino

Ugu yaraan shan askari ayaa lagu dilay seddex kalana waa ay ku dhaawacmeen kadib markii gaari ay la socdeen ay miino kula qaraxday duleedka degmada Mahadday ee gobolka Shabeellaha Dhexe, sida uu VOA u xaqiijiyay guddoomiye ku xigeenka amniga gobolka Shabeellaha Dhexe Maxamuud Cilmi Raage.
Desembar 22, 2022
Zelenskyy oo Mareykanka ka codsaday kaalmo militari oo dheeraad ah

Madaxweyne Volodymyr Zelenskiy ayaa u sheegay Congress-ka Maraykanka in kaalmada Ukraine ay tahay maal-gelinta dimoqraadiyadda ee “aysan ahayn sadaqo” isaga oo ka codsaday caawimaad dheeri ah, mar uu xalay khudbad xasaasi ah ka jeediyay fadhiga wadajirka ah ee Congress-ka Mareykanka.

XS

SM

MD

LG