BAYDHABA —
Ciidamada dowladda Soomaaliya ayaa saakay waxa ay weerar ku qaadeen degmada Ufurow ee gobolka Bay halkaas oo ay ku sugan yihiin maleeshiyada kooxda Al-Shabaab.
Labada dhinac ayaa waxaa dhex maray dagaal qaraar, ayada oo ciidamada dowladda ay si kooban u qabsadeen Ufurow, ka hor intii aanay Al-Shabaab dib ugu soo laaban oo aysan qabsan mar kale.
Guddoomiyaha degmada Ufurow ee maamulka Koonfur Galbeed Xasan Aadan Kuusane “Ilka Case”, ayaa VOA-da u sheegay inay Al-Shabaab ka dileen saddex askari, ayna qaateen maleeshiyo dhaawac garaab ah.
Wariyaha VOA Muqtaar Maxamed Catoosha ayaa warkan ka soo diray Baydhabo.
