Magaalada Gaalkacayo ee xarunta gobolka Mudug, oo dhowaan ay dagaallo ka dhaceen, ayaa waxaa lagu kala saxiixday heshiis ka kooban afar qodob.
Heshiiska waxaa dhinacyada dagaalamay u saxiixay labada madaxweyne ee maamul goboleedyada Puntland, Cabdi Weli Maxamed Cali Gaas iyo GALMUDUG Cabdikariim Xuseen Guuleed.
Afarta Qodob ee lagu hesihiyey ayaa kala ah:
1 - In xabadda la joojiyo
2 - In ciidamada la kala qaado
3 - In labada maamul goboleed iyo dawladda federaalka ay fududeeyaan gacanna ka gaystaan soo celinta dadkii ka barakacay magaalada
4 - In la magacaabo guddi saddex geesood ah oo ka shaqeeya xallinta khilaafaadka labada dhinac
Heshiiska waxaa dammaanad-qaade ka ah Ra'iisul Wasaaraha Soomaaliya Cumar Cabdirashiid, waxaana marqaatiyaal ka ah labada madaxweyne ee mamaul goboleedyada Jubbaland iyo Koonfur Galbeed, Axmed Madoobe iyo Shariif Xasan.