War Deg-Deg ah

Farah Ali

Produced by Farah Ali

Nofembar 11, 2022
Wareeggii ugu dambeeyay wadahadallada hub ka-dhigista TPLF ee Nairobi

Wareegii ugu dambeeyay ee wadahadalada nabadeed ee u dhaxeeyay dowladda Itoobiya iyo wakiillada gobolka Tigray ayaa wakhti dheeri ah lagu daray, iyadoo taliyayaasha ciidamada ay ka shaqeynayaan tafaasiil ku saabsan hub ka dhigista ciidamada Tigrayga kadib laba sano oo colaad ah.
Nofembar 10, 2022
Xasan oo kala diray Golaha dhaqaalaha Qaranka, magacaabay mid cusub

Madaxweynaha Soomaaliya Xasan Sheekh Maxamuud ayaa isbedel ku sameeyay golaha dhaqaalaha Qaranka, isaga oo sidoo kale kala diray xubnihii hore ee golahan oo isugu jiray shan xubnood oo Soomaali ah iyo afar xubnood oo aan Soomaali ahayn, sida lagu sheegay bayaan kasoo baxay madaxtooyada.
Nofembar 10, 2022
Suxufiyiinta Soomaaliyeed oo sheegay in awaamiirta cusub ee dowladda ay naftooda halis weyn gelin karto

Sidee ayaad ku sifeyn lahayd kooxdan hubaysan? Waa su'aal ka taagan Soomaaliya oo dowladda iyo warbaahintu ay sanado badan ka doodayeen sidii Al-shabaab loogu yeeri lahaa.
Nofembar 10, 2022
Ruushka oo ciidamadiisa kala baxay magaalo istiraatiiji ah

Moscow ayaa amar ku bixisay in ciidamadeedu ka baxaan meel u dhow magaalada istaraatiijiga ah ee koofurta Ukraine ee Kherson, taasoo ku timid guuldarro soo gaartay qorshaheeda dagaal ee ku wajahan dalka Ukraine.
Nofembar 09, 2022
Liiska musharaxiinta Soomaalida ah ee ku guuleystay doorashooyinkii Mareykanka

Doorashadii xilliga dhexe ee Mareykanka ee xalay dhacday waxaa ka qeybgalay musharraxiin Soomaali-Mareykankan ah, kuwaas oo u tartamay xilal kala duwan oo heer degmo, gobol iyo Federaal ah.
Nofembar 09, 2022
Iran oo digniin culus u dirtay boqortooyada Sacuudiga

Wasiirka sirdoonka Iran ayaa u sheegay Arbacadii in waddanka ay xafiiltamaan ee Sacuudi Carabiya in aanu sii jiri doonin dammaanad qaadka Tehraan ee ku aaddan "samirkeeda istiraatiijiyadeed," sida ay sheegtay wakaaladda wararka ee Fars.
Nofembar 09, 2022
Ilhan Cumar oo markii saddexaad dib loo soo doortay

Ilhan Cumar ayaa markii saddexaad ku guleysatay doorashada kuriga degmada ee shanaad ee gobolka Minnesota ee Congress-ka Mareykanka, kadib markii ay ka adkaatay Cicely Davis oo ka tirsan xisbiga Jamhuuriga.
Nofembar 09, 2022
Wararkii ugu dambeeyay ee doorashada xilliga dhexe ee Mareykanka

Tirinta codadka doorashada xilliga dhexe ee dhacday xalay ayaa ka socota guud ahaan dalka Mareykanka, waxaana natitiijooyinka doorashadan ay go'aamin doonaan xisbigii la wareegi lahaa aqlibiyadda Aqalka Senate-ka iyo Aqalka Wakiillada labada sano ee soo socota ee maamulka madaxweyne Joe Biden.
Nofembar 09, 2022
Blatter: Si khalad ah ayaa Qadar lagu siiyay marti-gelinta Koobka Adduuka

Sepp Blatter, oo ahaa guddoomiyihi hore ee FIFA markii Qatar la guddoonsiiyay xuquuqda martigelinta Koobka Adduunka 2022 sanadkii 2010, ayaa u sheegay wargeyska Swiss Tages Anzeiger "in si khalad ah Qadar loogu amaal mariyay koobkan," isagoo raaciyay in "doorashaadsi aheyd mid aan habbooneyn"
Nofembar 06, 2022
Dowladda oo soo saartay amarro culus oo ka dhan ah Al-Shabaab

Wasaaradda Awqaafta iyo Arrimaha Diinta ee dowladda Federaalka ayaa awaamiir cusub oo ay soo saartay ku sheegtay in maleeshiyada Al-Shabaab aan loogu yeerin magaca aan aheyn Khawaarij.
Nofembar 06, 2022
NISA oo sheegatay dilka 21 ka tirsan maleeshiyada Al-shabaab

Warbaahinta dawladda Soomaaliya ayaa sheegtay in ciidamada hay’adda nabadsugidda ee NISA ay manata hawlgal ka sameeyeen deganaka Galka Saalimow oo ku yaal gobolka Shabeellada Dhexe, ayna ku dileen 21 ka tirsan Al-Shabaab, 10 kalena ku dhaceen.
Nofembar 06, 2022
Wararkii ugu dambeeyay ee xiisadda u dhexeysa dalalka Rwanda iyo Congo

Wasiirrada arrimaha dibadda ee dalalka Jamhuuriyadda Dimuqraadiga ah ee Congo iyo Rwanda ayaa Sabtidii isku raacay in ay xoojiyaan dadaallada ay hoos ugu dhigayaan xiisadda u dhaxeysa, islamarkaana ay ku xallinayaan qalelaasaha siyaasadeed ee ka dhex aloosan.
Nofembar 05, 2022
Erdogan iyo Putin oo ku heshiiyey in qamadiga Ruushka si bilaash ah loogu diro dalal ay Soomaaliya ku jirto

Madaxweynaha Turkiga Tayyip Erdogan ayaa Jimcihii sheegay inuu dhiggiisa Ruushka Vladimir Putin kula heshiiyey in qamadiga Ruushka ee soo mara badda madow ay si bilaash ah ay ku tagaan dalalka Afrika ee saboolka ah.
Nofembar 05, 2022
Imran Khan oo ku eedeeyay Ra'iisul Wasaaraha Pakistan inuu door ku lahaa shirqool lagu dili lahaa

Ra'iisul Wasaarihii hore ee Pakistan Imran Khan ayaa Jimcihii ku eedeeyay Ra'isul Wasaaraha xilka haya inuu ku lug lahaa shirqool lagu dili lahaa, xilli uu kasoo kabanayo dhaawacii kasoo gaaray isku day dil.
Nofembar 04, 2022
Dowladda oo sheegatay dilka 100 Al-Shabaab ah

In ka badan 100 ka tirsan maleeshiyada Al-shabaab ayaa lagu dilay dagaal culus oo ay ciidamada xoogga dalka oo kaashanayay dadka deegaanka ay Al-shabaab kula galeen deegaannada Garas Magan iyo Ceel-Hareeri ee gobolka Hiiraan.
Nofembar 04, 2022
Turkiga oo mar kale wiiqay rajadii Sweden iyo Finland ee ku biirista NATO

Wasiirka arrimaha dibadda ee Turkiga ayaa sheegay in Sweden iyo Finland aysan weli gudan dhammaan waajibaadkii ka saarnaa heshiiskii u oggolaanayay in ay ku biiraan is-baheysiga NATO, welina ay tahay inay qaadaan tallaabooyin muuqda.
Nofembar 04, 2022
Dabley hubeysan oo 30 carruur ah ka aftduubatay Waqooyiga Nigeria

Dabley hubaysan ayaa 30 carruur ah ka afduubtay Waqooyiga Gobolka Katsina ee waddanka Nigeria, waxaana ay dalbadeen cacag madax-furasho ah, sida ay sheegeen Booliska iyo dadka deegaanka.
Nofembar 03, 2022
Laba ka mid ah maleeshiyada Al-Shabaab oo xukun dil lagu fuliyay

Cabdulle Axmed Muudey oo 24 jir ah iyo Cumar Aadan Maxamed, 29, oo hore loogu helay inay ka tirsan yihiin Al-Shabaab, ayna dileen labo ka tirsan ciidamada amniga ayaa saaka toogasho lagula fuliyay school Boliisiya.
Nofembar 03, 2022
Muxuu Mareykanka ka yiri heshiiska dowladda Itoobiya iyo TPLF?

Mareykanka ayaa Arbacadii bogaadiyay heshiis dhexmaray dhinacyada isku haya Itoobiya, iyagoo rajeynaya in lasoo afjaro colaadda labada sano ka socotay dalkaas, wuxuuna sheegay inuu u furan yahay inuu hagaajiyo xiriirka Addis Ababa.
Nofembar 02, 2022
Sacuudiga oo Mareykanka la wadaagay 'xogta weerar kusoo wajahan'

Mareykanka ayaa ka walaacsan yahay hanjabaadaha Iran ee ka dhanka ah Sucuudiga, waxaana sida uu sheegay afhayeen u hadlay Aqalka Cad Talaadadii aanu Mareykanku ka laba-labayn doonin inuu ka jawaabo hanjabaadahaas haddii loo baahdo.

XS

SM

MD

LG