War Deg-Deg ah

Farah Ali

Produced by Farah Ali

Sebtembar 02, 2022
Qoyska Shireen Abu Akleh oo dalbaday caddaalad

Qoyska Shireen Abu Akleh oo aheyd suxufiyad ruug-caddaa ah oo ka tirsaneyd Telefishinka Al-jazeera ayaa ugu baaqay Mareykanka inuu xaqiijiyo "baaritaan dhameystiran, madax-bannaan, isla markaana hufan" oo lagu sameeyo dilka weriyaha reer Falastiin oo sidoo kale heysatay dhalashada Mareykanka.
Sebtembar 01, 2022
TPLF oo sheegtay in Ertirea kusoo noqotay dagaalka gobolka Tigray

Ciidamada Itoobiya iyo kuwa Ereteriya ayaa weerar ku qaaday gobolka Tigreega ee woqooyiga Itoobiya, waxayna bartilmaameedsadeen ciidamada Tigreega, sida uu sheegay afhayeen u hadlay TPLF, inkastoo wakaaladda wararka ee Reuters aysan u suurtagelin in ay si madaxbannaan u xaqiijiso warbixinta.
Ogost 31, 2022
Itoobiya oo duqeymo cusub oo dhanka cirka ah ka fulisay caasimadda Tigray

Magaalada caasimadda u ah gobolka Tigreega ee waqooyiga Itoobiya ee Mekell waxaa xalay saqdii dhexe ka dhacay weerar dhinaca cirka ah, sida ay sheegeen xubnaha Tigrayga iyo saraakiisha isbitaal halkaas ku yaalla, waxaana weerarkan noqonaya kii ugu dambeeyay oo lasoo wariyay dhowr maalmood gudahood.
Ogost 31, 2022
Mikhail Gorbachev, hoggaamiyihii ugu dambeeyay ee Midowga Soviet oo geeriyooday

Mikhail Gorbachev, oo soo afjaray dagaalkii qaboobaa ee aan dhiig ku daadan, balse ku guul-darraystay in uu ka hortago burburkii Midowgii Sofiyeeti ayaa dhintay Talaadadii isaga oo 91 jir ah, sida ay sheegeen saraakiisha isbitaalka Moscow.
Ogost 28, 2022
Xiisadda u dhexeysa Taalibaan iyo Pakistan oo sii xoogeysatay

Ku-simaha Wasiirka Difaaca ee Kooxd Taalibaan, ayaa sheegay in Pakistan ay u oggolaatay Diyaaradaha aan duuliyaha lahayn ee Maraykanka inay hawadeeda u adeegsadaan inay galaan Afghanistan, eedaymahaas oo ay Pakistan dhawaan beenisay, kadib markii uu Maraykanku duqaymo ka geystay Kabul.
Ogost 27, 2022
Qaramada Midoobay oo cambaareysay weerar cirka ah oo ka dhacay Tigray

Hay'adda Qaramada Midoobay u qaabilsan carruurta ee UNICEF ayaa Sabtida maanta ah cambaaraysay weerar cirka ah oo " lala beegsaday goob xannaano" ku taalla gobolka Tigray ee Itoobiya, halkaas oo ay ku dhinteen ugu yaraan afar qof oo ay ku jiraan laba carruur ah.
Ogost 27, 2022
William Ruto oo Maxkamadda Sare ee Kenya ku boorriyay inay diiddo codsiga Raila Odinga

Madaxweynaha la doortay ee Kenya William Ruto ayaa Jimcihii ku boorriyay Maxkamada Sare ee dalka inay diido codsiga uu u gudbiyay ninka kula tartamay madaxtinimada ee Raila Odinga, kaas oo kasoo horjeesto natiijadii doorashadii 9-kii Ogosto.
Ogost 27, 2022
Baaqashada Roobabka Soomaaliya sanadkii shanaad oo xiriir ah oo sare u qaadi karta musiibooyinka abaaraha

Abaartii ugu xumayd ee Geeska Afrika in ka badan 40 sano ayaa u muuqata inay sii socon doonto kadib markii Hay'adda Saadaasha Hawada Adduunka (WMO) ay sheegtay Jimcihii in saadaasha bilaha Oktoobar iyo Disembar ay muujinayso suurtagalnimada xaalado qallalan ka sarreeya kuwii hore.
Ogost 26, 2022
Ra'iisul Wasaare Xamsa oo u baxay safarkii ugu horreeyey ee dibedda

Ra'isul Wasaaraha Soomaaliya Xamsa Cabdi Barre ayaa goor dhaweyd u ambabaxay magaalada Tunis ee dalka Tunisa, halkaas oo uu kaga qeyb gali doono shirka caalamiga ee Tokyo ee horumarinta Africa, kaas oo ay si wadajir u martigelinayaan Qaramada Midoobay, Bangiga Adduunka iyo Midowga Afrika.
Ogost 26, 2022
Sacuudi Carabiya oo $1 bilyan ku maal-gashaneysa Pakistan

Sacuudi Carabiya ayaa qorsheyneysa inay 1 bilyan oo dollar ku maalgashato waddanka Pakistan, sida uu shaaciyay TV-ga dowladda Sacuudiga Khamiistii, isaga oo intaas ku daray in boqor Salmaan Bin C/casiis uu amray in Boqortooyada Sacuudigu ay taageerto dhaqaalaha Pakistan.
Ogost 26, 2022
Dr. Tedros: Gaajo iyo macluul daran ayaa qaraabadeyda ku heysata gobolka Tigray

Madaxa Hay'adda Caafimaadka Adduunka ee WHO Tedros Adhanom Ghebreyesus ayaa khamiistii ka dhawaajiyay xanuunkiisa gaarka ah ee ku aaddan xaaladda gobolka Tigray ee Itoobiya, isagoo ku calaacalay in uusan la xiriiri karin, waxna u qaban karin eheladiisa oo la dhibaateysan gaajo iyo macluul.
Ogost 25, 2022
Ra'isul Wasaare Xamsa Cabdi Barre oo gaaray Beledweyne

Ra'isul Wasaaraha Soomaaliya Xamsa Cabdi Barre ayaa goor dhaweyd gaaray magaalada Beledweyne ee xarunta gobolka Hiiraan, halkaas oo uu kusoo dhaweeyay madaxweynaha maamulka Hirshabelle Cali Guudlaawe.
Ogost 25, 2022
Xasan Sheekh oo sheegay saddex arrin oo laga sugayo xukuumadda

Madaxweyne Xasan Sheekh ayaa xalay ka qeyb galay kulan lagu gunaanaday shirkii Golaha Wasiiradda labada maalmood uga socday Muqdisho, kaas oo lagu falanqeeyay wada-shaqeynta hay'adaha dowladda, dib u eegista Dastuurka, amniga, caddaaladda iyo garsoorka, Dhaqaalaha iyo bixinta adeegyada bulshada.
Ogost 25, 2022
Ciidanka Tigrayga oo bililiqeystay shidaal ay lahaayeen hay'adaha QM

Qaramada Midoobay ayaa sheegtay in ciidanka Tigreega ay bililqeysteen 570,000 oo liitir oo shidaal ah, kadib markii ay si xoog ah kusoo galeen xarun ay leedahay ha'adda cuntada ee WFP oo taalla magaalada Mekelle, sida uu xaqiijiyay madaxa hay'addaas David Beasley.
Ogost 24, 2022
Dagaal mar kale ka dhex qarxay dowladda Itoobiya iyo TPLF

Dagaal u dhexeeya Ciidamada Ismaamulka Tigreega ee Waqooyiga dalka Itoobiya iyo Ciidamo daacad u ah dowladda dhexe ayaa ka dhacay agagaarka magaalada Kobo, sida uu sheegay Afhayeenka Ciidamada Tigreega.
Ogost 24, 2022
Ra'isul Wasaarihii hore ee Malaysia oo lagu xukumay 12 sano oo xabsi ah

Maxkamadda sare ee Malaysia ayaa ku amartay Ra'iisul Wasaarihii hore Najib Razak inuu bilaabo 12 sano oo xabsi ah Talaadadii kadib markii ay taageertay eedeymo la xiriira fadeexad balaayiin dollar ah oo ka dhacday sanduuqa dowladda ee 1Malaysia Development Berhad (1MDB).
Ogost 21, 2022
Wasaaradda Caafimaadka Soomaaliya oo xaqiijisay in 21 qof ay ku dhinteen weerarkii hotel Xayaat

Wasaaradda Caafimaadka Soomaaliya ayaa sheegtay in ugu yaraan 21 qof ku dhinteen weerarkii Al-Shabaab ay ku qaadeen hoteelka Xayaat, waxayna intaas ku dartay in weerarkan ay ku dhaawacmeen 117 qof oo 15 ka mid ah dhaawacoodu culus yahay.
Ogost 21, 2022
Mareykanka iyo Qarmada Midoobay oo cambaareeyay weerarkii Al-shabaab ee hotel Xayaat

Mareykanka iyo Qaramada Midoobay ayaa si weyn u cambaareeyay weerarkii maleeshiyda Al-shabaab ay ku qaadday hotelka Xayaat ee magaalada Muqdisho, kaas oo inta la xaqiijiyay ay ku dhinteen in ka badan 20 qof oo u badan rayid, tiro intaas ka badanna ay ku dhawacameen.
Ogost 21, 2022
32 qof oo ku dhintay shilal ka dhacay Turkiga

Ugu yaraan 32 Qof ayaa ku geeriyooday Koonfur Bari ee dalka Turkiga Sabtidii, kadib markii shil baabuur oo sababay dhimashada shaqaalaha gurmadka oo ka jawaabayey shila kaa ka horreyay, sida ay sheegeen masuuliyiinta dalkaas.
Ogost 21, 2022
Ciidanka dowladda oo soo afjaray weerarkii maleeshiyada Al-shabaab ee hotel Xayaat 30 saac kadib

Ciidamada ammaanka ayaa soo afjray weerarkii maleeshiyada Al-Shabaab ku gashay hotelka Xayaat ee magaalada Muqdisho, kaasoo oo bilowday fiidnimadii Jimcaha, waxaana hadda guud ahaan dhismaha hotelka la wareegay ciidanka ammaanka.

XS

SM

MD

LG