Guddiga Doorashada Madaxweynaha Soomaaliya ayaa waqtiyeeyey in doorashada madaxweynaha dalka la qabto 15-ka bishan May. Haddaba, yaad jeclaan laheyd inuu noqdo madaxweynaha cusub ee Soomaaliya.
Guddoomiyaha Golaha Shacabka ee Baarlamaanka Soomaaliya mudane Sheekh Aadan Maxamed Nuur (Madoobe) ayaa maanta isugu yeeray dhammaan saraakiisha ugu sareysa ciidamada qalabka sida.
Ra'iisul Wasaaraha Soomaaliya Maxamed Xuseen Rooble ayaa markii ugu horreysay sheegay inuusan u taagnayn xilka madaxweynaha Soomaaliya oo dhawaan la filaayo in loo tartamo.
Sheek Aadan Maxamed Nuur (Sh. Adan Madoobe) ayay xubnaha Golaha Shacabka ee Soomaaliya ay mar kale u doorteen inuu noqdo Guddoomiyaha cusub ee baarlamaanka 28-kii April ee sanadkan, waxaana uu xilkaasi si rasmi ah ula wareegay Sabtidii shalay.
Buuq ayaa ka dhashay kulankii ugu horreeyay ee Golaha Shacabka ee uu shalay xilka kula wareegayay gudoomiyaha cusub ee Barlmaanka, kadib markii xildhibaanno iska soo horjeedo ee lagu soo kala doortay magaalooyinka Garbahaarey iyo Ceelwaaq ee gobolka Gedo ay soo xaadireen kulankaas.
Kulankii ugu horreeyay ee Golaha Shacabka Baarlamaanka 11-aad ee Soomaaliya kaddib doorashada guddoonka ayaa lagu wadaa inuu maanta ka furmo xarunta Villa Hargeisa ee magaalada Muqdisho, sida lagu sheegay farriin qoraal ah oo lagu faafiyay barta rasmiga ah ee Facebookga Golaha Shacabka.
Dowladda Mareykanka ayaa bogaadisay doorashada guddoonka labada aqal ee Baarlamanka Soomaaliya oo shalay lagu soo geba-gebeeyey magaalada Muqdisho, ayada oo dalbatay in si deg deg loogu xajiyo doorashada madaxweynaha.
Somalida deggan Australia ayaa aragtidooda ka dhiibtay doorashadii guddoonka Golaha Shacabka Baarlamanka Soomaaliya, iyaga oo si gooni ah uga hadalay Sacdiya Salaad Samatar oo noqotay gabadhii ugu horresay ee noqota guddoomiye ku xigeenka Baarlamaanka.
Hoggaanka labada aqal ee baarlamanka Soomaaliya ayaa waxaa ku guuleystay siyaasiyiin mucaaradka xukuumadda uu hoggaamiyo madaxweyne Farmaajo.
Xildhibaan Sacdiya Yaasiin Xaaji Samatar ayaa loo doortay inay noqoto guddoomiye ku-xigeenka koowaad ee Golaha Shacabka Soomaaliya, waana haweeneydii ugu horreysay ee xilkaas qabata.
Waxaa goordhow soo idlaaday wareegga koowaad ee doorashada guddomiye ku-xigeenka koowaad iyo labaad ee golaha shacabka baarlamanka Soomaaliya.
Sheekh Aadan Maxamed Nuur (Aadan Madoobe) ayaa loo doortay inuu noqdo guddoomiyaha golaha shacabka ee Soomaaliya kadib doorasho xalay ka dhacday magaalada Muqdisho.
Kuwo kale
