Doorashada Golaha Shacabka Soomaaliya ayaa maanta ka billaabatay magaalada Ceelwaaq ee gobolka Gedo, iyadoona ay si weyn oga soo horjeesteen maamulka Gobolka Gedo, gaar ahaan garabka ay doorashadan isku hayeen maamulka Jubaland ee doonayay in Garbahareey lagu qabto.
Madaxweynaha Soomaaliya Maxamed Cabdullaahi Farmaajo ayaa sharci-darro ku tilmaamay “doorashooyinka isbarbar socda” ee magaalooyinka Ceelwaaq iyo Garbahaareey.
Guddiga doorashada guddoonka Aqalka sare ayaa shaaciyay liiska xubnaha Musharaxiinta ee doonaya iney ku tartamaan guddoonka iyo labadiisa ku xigeen ee Aqalka Sare, kuwaas oo tiro ahaan gaaraya 12 Musharax.
Wasiirka Waxbarashada Cabdullaahi Abukar Xaaji ayaa noqday xildhibaankii ugu horreeyay ee lagu doorto degmada Ceelwaaq, wuxuuna kusoo baxay kursiga Hop119, kadib markii musharraxii la tarmayay oo ahaa Cabdicasiis Cabdullahi Ibraahim uu u tanaasulay.
Magaalada Muqdisho waxaa ka socda is-diiwaan gelinta xubnaha murashixiinta u tartamaya hoggaanka labada aqal ee baarlamanka federaalka Soomaaliya.
Xildhibaan Sareedo Mohamed Abdalla ayaa ku guuleysatay doorashada ku celiska aheyd ee kursiga Hop154, kaddib markii ay u tanaasushay Nasteexo Maxamed Yuusuf oo ku Tartamaya kursigan, waxaan qaab gacan taag ah ku ansixiyay ergada doorashada kursigan.
Fahad Yaasiin Xaaji Daahir, oo ah la-taliyaha amniga qaranka madaxweynaha Soomaaliya, ayaa sheegay inuu ixtiraamayo qaraarka ay Maxkamadda Sare ee Soomaaliya maanta diiday inay qaaddo dacwadda kursiga Golaha Shacabka ee HOP086 ee uu kusoo baxay la-taliyaha Amniga Qaranka Soomaaliya Fahad Yaasiin.
Garsoorayaasha Maxkamadda Sare ee Soomaaliya ayaa warqad ay soo saareen ku sheegay in Maxkamadda Sare ay iska diiday qaadista dacwadda uu talihii hore ee hey’adda Sirdoonka Qaranka Fahad Yaasiin ka gudbiyay Guddiga Hirgalinta Doorashooyinka Heer Federaal ee ku saabsanayd kursiga HOP086.
Maxkamadda Sare ee Soomaaliya ayaa diiday inay qaaddo dhageysiga dacwadda kursiga Golaha Shacabka ee HOP086 ee uu kusoo baxay la-taliyaha Amniga Qaranka Soomaaliya Fahad Yaasiin.
Maxkamadda Sare ee Soomaaliya ayaa maanta u fadhiistay dacwadda kursiga tirsigiisu yahay HOP086 kaasi oo la sheegay inuu ku soo baxay La-taliyaha Amniga Qaranka ee madaxweynaha Soomaaliya Fahad Yaasiin, balse guddiga Doorashada heer federaal ay laaleen.
Tiro madaafiic hoobiyeyaal ah ayaa maanta lagu weeraray xarunta baarlamanka Soomaaliya ee magaalada Muqdisho xilli ay kulan ku lahaayeen xildhibaanada labada Aqal.
Xildhibaanada Labada Aqal ee Baarlamanka Soomaaliya ayaa maanta ansixiyey jadwalka iyo habraaca doorashada guddoonka golaha shacabka iyo Aqalka Sare kadib kulan wadajir ah oo ay maanta ku yeesheen magaalada Muqdisho.
Kuwo kale
