War Deg-Deg ah

Farah Ali

Produced by Farah Ali

Oktoobar 19, 2022
Ciidamada dowladda Itoobiya oo TPLF ka qabsaday saddex magaalo oo istiraatiiji ah

Ciidamada Itoobiya ayaa qabsaday saddex magaalo oo ka tirsan gobolka waqooyi ee Tigray, sida ay dowladdu sheegatay Talaadadii, waxaana laba ka mid ah magaalooyinkaas ay u dhow yihiin koofurta magaalada caasimadda Tigray ee Mekelle.
Oktoobar 16, 2022
Midowga Afrika oo ku baaqay xabbad-joojin degdeg ah oo lagu soo af-jaro dagaalka sokeeye ee Itoobiya

Midowga Afrika ayaa Axaddii ku baaqay xabbad-joojin shuruud la’aan ah oo ka dhacda waqooyiga Itoobiya, waxayna ku boorriyeen dhinacyada isku haya inay "dib u yeeshaan" wadahadallada nabadeed, xilli ay sii kordhayaan rabshadaha gobolka Tigray.
Oktoobar 16, 2022
Wareysi: Xoghaya Guud ee ururka SJS Cabdalla Muumin oo xabsiga laga soo daayay

Xoghayaha Guud ee Ururka Suxufiyiinta Soomaaliyeed ee Somali Journalists Syndicate (SJS) Cabdalla Axmed Muumin oo maalmahan u xirnaa dowladda Soomaaliya ayaa laga sii daayay xabsi ku yaalla Muqdishu.
Oktoobar 16, 2022
Dabley hubeysan oo 11 qof ku toogtay saldhig ay leeyihiin ciidamada Ruushka

Wasaaradda Gaashaandhigga ee Ruushka ayaa sheegtay in rag hubeysan ay 11 qof ku toogteen goob ciidamada Ruushka lagu tababaro, waana dharbaaxadii ugu dambeysay ee soo gaartay ciidamada madaxweyne Vladimir Putin tan iyo markii ay duullaanka ku qaadeen Ukraine.
Oktoobar 16, 2022
Uganda oo lagu soo rogayo badow lagu xakameynayo cudurka Ebola

Madaxweynaha Uganda Yoweri Museveni ayaa Sabtidii sheegay in dowladdiisu ay hergelin doonto bandow xilliga habeenkii ah, kaas oo saameyn doonaan goobaha cibaadada, kuwa madadaalada, socotada iyo dadka kale ee ka baxaya laba degmo oo uu cudurka Eboa ka jiro.
Oktoobar 15, 2022
Mareykanka oo dhinacdyada Itoobiya ugu baaqay inay si degdeg ah u joojiyaan dagaalka sokeeye

Xoghayaha arrimaha dibadda Maraykanka Antony Blinken ayaa bayaan uu soo saaray fiidnimadii Jimcaha ku celiyay mowqifkooda, isagoo sheegay inay uu aad uga walaacsan yahay rabshadaha ka socda waqooyiga Itoobiya, gaar ahaan "Bartilmaameedka aan kala sooc lahayn ee lagu beegsado dadka rayidka ah".
Oktoobar 13, 2022
Diyaarado 'ay sameysay Iran oo duqeeyay' Ukraine

Caasimadda Ukraine ee Kyive waxaa subaxnimadii hore ee Khamiista maanta ah duqeeyey diyaaradaha aan duuliyaha lahayn ee Kamikaze ee ay samaysay Iran, iyadoo dadka agagaarka caasimadda ay kusoo tooseen digniinta hawada sare ee seeriga subaxii afraad oo isku xiga.
Oktoobar 12, 2022
Ololaha Soomaaliya ku dooneyso in looga qaado cunaqabateynta hubka oo teegeero helaya

Soomaaliya ayaa taageero u helaysa ololaheeda ku aaddan in cunaqabateynta hubka laga qaado, kadib markii Itoobiya ay ku biirtay Uganda oo hore u taageertay tallaabadaas, iyada oo Golaha Ammaanka ee QM lagu wado in bisha November ay u codeeyaan dib u cusboonaysiinta xayiraadda qeyb ka mid ah
Oktoobar 12, 2022
24 Al-Shabaab ah oo lagu dilay dagaallo ka dhacay HirShabeelle

24 ka tirsan maleeshiyada Al-shabaab ayaa lagu dilay weerarro subaxnimadii hore ee saaka ka kala dhacay deegaanka Yasooman ee gobolka Hiiraan iyo deegaanka Buulo-Kuuno oo hoos yimaada degmada Balcad ee gobolka Shabeellaha Dhexe.
Oktoobar 12, 2022
Maxaa kusoo kordhay dagaalka sokeeye ee Itoobiya?

Aqoonyahan u dhashay dalka Itoobiya ayaa sheegay in haddii ay Itoobiya si dhab ah u doonayso inay nabad ka dhalato colaadda ay kula jirto Jabhadda Tigrayga ee TPLF, inay marka hore Itoobiya joojiso weerarrada ka dhanka ah dadka Tigrayga ah.
Oktoobar 09, 2022
Madaxweyne Xasan Sheekh oo kala diray Guddiyada Adeegga Garsoorka iyo La-dagaalanka Musuqmaasuqa

Madaxweynaha Soomaaliya Xasan Sheekh Maxamuud ayaa kala diray labada guddi ee kala ah Guddiga Adeegga Garsoorka iyo Guddiga La-dagaalanka Musuqmaasuqa oo ay ansixisay dowladdii hore, isgaoo amray in la toosiyo hannaanka loo soo dhisay labada guddi.
Oktoobar 08, 2022
Madaxweynihii hore ee Koofur Afrika Jacob Zuma oo xabsiga laga soo daayay

Madaxwaynihii hore ee dalka Koonfur Afrika Jacob Zuma ayaa xabsiga laga soo daayay kadib markii uu dhammeystay xukunkii xabsiga ahaa ee lagu xukumay, sida ay sheegtay dowladda dalkaas.
Oktoobar 07, 2022
19 ka tirsan Al-shabaab oo lagu dilay dagaal ka dhacay Basra

Wararka ka imaanaya deegaanka Basra ee u dhexeysa degmooyinka Afgooye iyo Balcad ayaa sheegaya in ugu yaraan 19 ka tirsan maleeshiyada Al-shabaab lagu dilay kadib dagaal qaraar oo saaka ka dhacay deegaankaas.
Oktoobar 07, 2022
Dowladda Federaalka oo digniin culus u dirtay dadka u hoggaansama amarrada Al-Shabaab

Wasaaradda Arrimaha Guddaha Dowlada Soomaaliyaa ayaa sheegtey in ay tallaabo ka qaadeyso ciddii u hoggaansanta amarrada Al-shabaab ee ah in dhaqaalo laga siiyo ganacsiga.
Oktoobar 06, 2022
Nin hubeysan oo toogasho ku dilay 34 qof oo 22 ka mid ah ay carruur yihiin

Nin hore uga tirsanaa booliiska Thailand ayaa Khamiista maanta ah 34 qof ku dilay toogasho wadareed ka dhacday xarun lagu xanaaneeyo carruurta, iyadoo warbaahintu ay sheegtay in ninka hubeysan uu markii dambe is-dilay.
Oktoobar 06, 2022
Museveni oo raali-gelin ka bixiyay hadalkii wiilkiisa ee ahaa inuu qabsan doono Kenya

Madaxweynaha Uganda Yoweri Museveni ayaa raalligelin guud ka siiyay Kenya, isaga oo cafis ku aaddan haddallo uu Twitteka soo dhigay wiilkiisa Kainerugaba Muhoozi weydiistay Kenya, hadalkaas oo uu Muhoozi si kaftan ah ugu sheegay inuu duullaan muddoo kooban ah ku qabsanayo Kenya.
Oktoobar 06, 2022
Meydadka 15 haween muhaajiriin ah oo laga halay xeebaha Giriigga

Ilaalada xeebaha Giriigga ayaa Khamiistii sheegay inay soo saareen meydadka 15 qof oo la socday labo doon oo tahriibayaal ah oo degtay, iyadoo dhowr kalena laga cabsi qabo in la la’yahay.
Oktoobar 06, 2022
TPLF oo aqbashay wadahadal nabadeed oo ay la gasho dowladda Itoobiya

Jabhadda Xogeynta Tigray ee TPLF ayaa war qoraal ah oo ay soo saartay ku sheegtay in madaxda Tirgay ay aqbaleen martiqaadka wadahadallada nabadeed ee uu ku baaqay Midowga Africa.
Oktoobar 05, 2022
Dowladda Itoobiya oo aqbashay wadahadal nabadeed oo ay la gasho TPLF

Dowladda Itoobiya ayaa sheegtay inay si shuruud la'aan ah ku aqbashay dhex-dhexaadinta Midowga Afrika ee Itoobiya iyo TPLF, sida uu shaaciyay la-taliyaha Amniga Qaranka Redwan Hussein.
Oktoobar 05, 2022
Wiilka Museveni oo General loo dallacsiiyay kadib markii uu ku hanjabay inuu qabsan doono Kenya

Wiilka uu dhalay madaxweynaha Uganda Yoweri Museveni, Muhoozi Kainerugaba, ayaa loo dalacsiiyay Jeneraal, sida uu Talaadadii ku dhawaaqay afhayeenka ciidamada Uganda.

XS

SM

MD

LG