War Deg-Deg ah

Farah Ali

Produced by Farah Ali

Sebtembar 14, 2022
Weerar ka dhacay Daanta Galbeed oo lagu dilay laba Falastiiniyiin iyo sarkaal Israa'iili ah

Ciidamada Israa'iil ayaa toogasho ku dilay laba nin oo hubeysan oo Falastiini ah Arbacadii, kadib iska horimaad ka dhacay meel u dhow xuduudka la haysto ee Daanta Galbeed, kaas oo sidoo kale lagu dilay sarkaal ciidan, sida uu sheegay afhayeen u hadlay milateriga Isreal.
Sebtembar 13, 2022
Aqalka Cad oo soo dhaweeyay hadal kasoo yeeray TPLF

Aqalka Cad ee looga arrimiyo dalka Mareykanka ayaa Isniintii sheegay inay soo dhaweynayaan hadal kasoo yeeray ciidamada ku sugan waqooyiga gobolka Tigray ee dalka Itoobiya oo sheegay inay aqbali doonaan geeddi-socod nabadeed oo uu hoggaamiyo Midowga Afrika.
Sebtembar 13, 2022
Raila Odinga oo diiday inuu ka qeyb galo caleema-saarka William Ruto

Hoggaamiyaha mucaaradka Kenya Raila Odinga ayaa diiday inuu kasoo qeyb galo xafladda caleemo-saarka madaxweynaha la doortay ee Kenya William Ruto oo maanta ka dhaceysa garoonka Kasarani ee magaalada Nairobi, wuxuuna sheegay in Ruto kusoo baxay doorasho aan 'xor iyo xalaal aheyn."
Sebtembar 11, 2022
Shirka Golaha Wadatashiga Qaran oo ka furmay Villa Soomaaliya

Madaxweynaha Soomaaliya Xasan Sheekh Maxamuud ayaa goor dhaweyd si rasmi ah u furay shirka Golaha Wadatashiga Qaran, kaas oo socon doona muddo laba maalmood ah, sida lagu sheegay bayaan kasoo baxay Villa Soomaaliya.
Sebtembar 11, 2022
Wararkii ugu dambeeyay ee dadaallada nabadda Itoobiya

Ururka Midowga Afrika ayaa Sabtidii sheegay inay kordhiyeen muddo xileedka Ergayga Geeska Afrika, Olusegun Obasanjo, kaasoo hoggaaminaya dadaallada nabadda ee Itoobiya oo dib u soo cusboonaatay ka dib markii ay soo cusboonaadeen dagaallo.
Sebtembar 11, 2022
Ciidamada Ruushka oo lagu jabiyay dagaalka ka socda qeybo ka mid ah Ukraine

Taliyaha ciidamada Ukraine ayaa sheegay Axaddii, in ciidamada Ukraine ay guulo ka gaarnen dagaalkii ka socday waqooyiga gobolka Kharkiv, ayna u sii gudbeen koonfurta iyo bariga dalka, kadib markii ay si degdeg ah gacantooda ugu soo dhacay xaruntii ugu weyneyd ee Ruushka ee waqooyi bari Ukraine.
Sebtembar 10, 2022
Dowladda Soomaaliya oo sheegtay inay dishay sarkaal sare oo tirsanaa Al-shabaab

Dowladda Soomaaliya ayaa sheegtay in howlgal ay ciidamada dowladdu ka sameeyeen deegaanka Mubaarak ee gobolka Shabeella Hoose ay ku dileen sarkaal sare oo ka tirsan maleeshiyada Al-shabaab, kaas oo magaciisa lagu soo gaabiyay Carab oo ahaa ku xigeenka Al-shabaab ee maleeshiyada deegaankaas.
Sebtembar 09, 2022
Tahriibeyaal ku dhintay badda Mediterranean-ka iyo kuwa kale oo lagu la'yahay

Ugu yaraan siddeed qof oo tahriibayaal ah ayaa dhintay 15 kalena waa la la’yahay kadib markii dooni ay la socdeen ay ku degtay xeebaha Tunisia khamiistii, xilli ay isku dayayeen in ay ka gudbaan badda Mediterranean-ka una sii gudbaan dalka Talyaaniga, sida ay sheegtay Idaacadda Monastir ee dowladda.
Sebtembar 08, 2022
Erdogan: Sax maahan siyaasadaha ‘daandaansiga’ ee reer galbeedka ee ku wajahan Ruushka

Madaxweynaha Turkiga Tayyip Erdogan ayaa Arbacadii sheegay in aanu u malayneyn in siyaasadaha “daandaansiga” ee reer galbeedka ee ku wajahan Ruushka ay sax yihiin, kadib markii Midowga Yurub iyo Kooxda Toddobada Waddan ay soo jeediyeen in la dhimo qiimaha gaaska Ruushka.
Sebtembar 07, 2022
Aqalka Cad oo ka walaacsan xaalad la saadaaliyey inay Soomaaliya geli karto

Toddobaadkan, khabiirka arrimaha bini'aadanimada ee guddiga dib u eegista macluusha ayaa saadaaliyay in qaybo ka mid ah Soomaaliya ay u badan tahay inay ka dhici doonaan macaluul inta u dhaxaysa bilaha Oktoobar iyo Disembar iyada oo aan la qeybin gargaar la taaban karo.
Sebtembar 07, 2022
Wasiirada ugu muhiimsan Britain oo markii ugu horreysay laga waayay nin caddaan ah

Ra’isul wasaaraha cusub ee Britain Liz Truss, ayaa soo xushay gole wasiirro oo markii ugu horraysay nin caddaan ahi aanu qaban doonin mid ka mid ah afarta jago ee ugu muhiimsan ee dalkaas.
Sebtembar 07, 2022
Golaha Ammaanka oo maanta kulan deg-deg ah ka yeelanaya xaaladda Soomaaliya

Golaha Ammaanka ee Qaramada Midoobay ayaa maanta kulan xog-wareysi ah oo al-baabadu u xiran yihiin ka yeelan doonaan Soomaaliya, waxaana kulankan uu kusoo aadaya xilli Soomaaliya ay ka socdaan dagaallo ka dhan ah Al-shabaab iyo sidoo kale xaalad macluul daran oo la saadaaliiyay.
Sebtembar 05, 2022
Uhuru Kenyatta oo isagoo ka fogaanaya magaca Ruto ka hadlay go'aankii Maxkamadda Sare

Madaxweynaha xilka kasii dagaya ee Kenya Uhuru Kenyatta ayaa sheegay inay ka go’an tahay in si habsami leh ay u dhacdo xil-wareejinta awoodda madaxweynaha, kadib khudbad lasoo duubay oo uu u jeediyay shacabka Kenya, isaga oo ugu baaqay in go'aankii maxkamadda la xushmeeyo.
Sebtembar 05, 2022
Ra'ila Odinga oo sheegay in uu ixtiraamayo go'aanka Maxkamadda Sare ee Kenya

Musharrixii doorashada lagaga guuleystay ee Kenya Raila Odinga ayaa sheegay in uu ixtiraamayo go’aan kasoo baxay maxkamadda sare oo ay ku taageertay guushii uu ka gaaray musharraxa kale ee la loollamay doorashada ee William Ruto, inkasta oo uu sheegay in uu “si weyn uga soo horjeestay”.
Sebtembar 05, 2022
Shirka Wasiirada Maaliyadda dowladda Federaalka iyo kuwa maamul goboleedyada oo furmay

Wasiirka Maaliyadda dowladda Federaalka Dr. Cilmi Maxamuud Nuur ayaa furay shirka wasiirada maaliyadda dowladda Federaalka iyo kuwa maamul goboleedyada, kaas oo socon doona muddo laba maalmood ah.
Sebtembar 05, 2022
Maxkamadda Sare ee Kenya oo taageertay guushii William Ruto

Maxkamadda Sare ee Kenya ayaa aageertay natiijada doorashadii uu ku dhawaaqay guddiga doorashada Kenya, taas oo ay ku sheegeen in William Ruto ku guuleystay doorashada madaxweynaha Kenya.
Sebtembar 04, 2022
Safiirka Mareykanka ee Ruushka oo shaqada ka tagay

Safiirka Maraykanka ee waddanka Ruushka, John Sullivan, ayaa soo afjaray shaqadii dilomasiyadeed ku dhawaad saddex sano oo uu la shaqeeyay maamullada Trump iyo Biden, Axaddii, waxaana uu ka fariisan doonaa shaqo dheer oo uu ka hayay dowladda Mareykanka, sida ay sheegta safaaradda Moscow.
Sebtembar 04, 2022
Markab dagaal oo ay leeyihiin ciidamada badda Turkiga oo gaaray Israel

Markab dagaal oo laga leeyahay dalka Turkiga ayaa ku soo xirtay Israel, taas oo ah imaanshihii ugu horeysay ee markan noocaan ah muddo toban sano ka badan, iyadoo xiriirka xulafada Mareykanka uu soo hagaagayo kadib markii khilaaf xooggan oo la xiriira qadiyadda Falastiin uu ka dhex aloosmay.
Sebtembar 04, 2022
Maxkamadda sare ee Kenya oo go’aan ka gaari doonta doorashada lagu muransan yahay

Maxkamada sare ee dalka Kenya ayaa berri oo Isniin ah go’aan ka gaari doonta in ay taageerto ama ay laasho natiijada doorashadii madaxweynaha ee bishii hore ka dhacday dalkaasi, waxaana xukunkaas si weyn looga sugayaa maxkamadda dal ay hore uga dhaceen rabshado la xiriira doorashada madaxweynaha.
Sebtembar 04, 2022
Midowga Afrika oo Ergay cusub u magacaabay Soomaaliya

Guddoomiyaha Guddiga Midowga Afrika Moussa Faki Mahamat ayaa Danjire Mohammed El-Amine Souef, oo u dhashay Comoros u magacaabay ergaygiisa gaarka ah ee Soomaaliya iyo madaxa howlgalka KMG ah ee Midowga Afrika ee Soomaaliya ee (ATMIS).

XS

SM

MD

LG